टप्सलाई जेपीक्रस बास्केटबल उपाधि

पोखरा, १७ मंसिर। कास्की जिल्ला बास्केटबल संघद्वारा आयोजित १६ औं कर्ण्र्ााल जेपी क्रस अन्तरविद्यालय छात्र/छात्राको बास्केटबल उपाधि टप्स माविले जितेको छ। यसअघि पनि टप्सले सो उपाधि जितेको थियो ।

सोमवार सम्पन्न छात्रतर्फ फाइनलमा टप्सले चिरपरिचित प्रतिद्वन्द्वी माउन्ट अन्नपूर्ण माविलाई ८५-४१ को स्कोरले पराजित गर्दै उपाधि जितेको हो।

यता छात्रातर्फ फाइनलमा टप्सले माउन्ट अन्नपूर्ण माविलाई ४५-१३ को स्कोरले पराजित गर्दै उपाधि उचालको हो।

उपाधि विजेता टप्सले १० हजार र उपविजेता माउन्ट अन्नपूर्णले ६ हजार प्राप्त गरेको छ। छात्रतर्फ हिल पोइन्ट तेश्रो भयो भने लिटिल स्टेप छात्रातर्फ तेश्रो हुँदै ४-४ हजार प्राप्त गरेको संघका अध्यक्ष ध्वजकुमार गुरुङले जनाए।

विजेतालाई पोखरा महानगरपालिकाका मेयर मानबहादुर जिसी, शिक्षाप्रेमी एवम समाजसेवी कर्णेल जेपी क्रस, कास्की जिल्ला खेलकुद विकास समिति अध्यक्ष यामबहादुर गुरुङ, पोखरेली मञ्च युके अध्यक्ष मानप्रसाद गुरुङ, नेपाल बास्केटबल संघका उपाध्यक्ष जुमप्रसाद गुरुङ, पोखरा महानगरका वरिष्ठ कानून अधिकृत नारायणप्रसाद शर्मा लगायतले पुरस्कार वितरण गरे ।

- अादर्श समाज सम्वाददाता