काँग्रेसका तिवारीको श्रद्धाञ्जली सभा

लमजुङ, ८ मंसिर। नेपाली काँग्रेसले जिल्ला कार्यसमितिका आमन्त्रित सदस्य प्रकाश तिवारीको १३ औँ पुण्यतिथिमा उनकै निवास श्रद्धाञ्जली सभा गरेको छ।

सभामा पार्टीसभापति शेरबहादुर देउवाले पठाएको समवेदना पत्र केन्द्रीय सदस्य दिलबहादुर र्घर्तीले स्व. प्रकाशकी श्रीमती राधा तिवारीलाई हस्तान्तरण गरेका थिए।

काँग्रेसका केन्द्रीय सदस्य दिलबहादुर र्घर्तीको प्रमुख आतिथ्यतामा भएको उक्त सभामा पूर्वराज्यमन्त्री रामबहादुर गुरुङ, पूर्व जिल्ला सभापतिद्वय शंकर कान्त जोशी र कृष्णप्रसाद कोइरालाले स्व. प्रकाशको व्यक्तित्वको विभिन्न आयामबारे स्मरण गरे ।

काँग्रेस वेशीशहर नगरपालिका- ११ वडा समितिका सभापति सैलेश जोशीको अध्यक्षतामा भएको कार्यक्रममा जिल्ला उपसभापति प्रेमराज चिलुवाल, क्षेत्र २ का सभापति बृषराज गुरुङ, महिला संघका जिल्ला सचिव अप्सरा बराल, नेकाका पूर्व जिल्ला सदस्य शम्भुबहादुर जोशी सहितले शोकमन्तव्य व्यक्त गरेका थिए।

- अादर्श समाज सम्वाददाता