धर्मशीला विद्धत वृत्ति मीनलाई

पोखरा, २० कात्तिक। धर्मशीला विद्धत वृत्ति-२०७५ बाट परियति केन्द्र प्रमुख मीन गुरुलाई सम्मान गरिने भएको छ।

भिक्षु धज्जवन्तोको अध्यक्षतामा मंगलबार बसेको धर्मशीला विद्धत वृत्ति व्यवस्थापन समितिको बैठकले उनलाई सम्मान गर्ने निर्णय गरेको हो।

बुद्ध धर्मको अध्ययन, अनुसन्धान र अन्वेषणमा योगदान दिने व्यक्तिलाई हरेक वर्ष १५ हजार रुपैयाँसहित ताम्रपत्रले सम्मान गरिँदै आएको छ। आगामी मंसिर ३ गते धर्मशीला गुरुमाको पुण्यतिथिमा आयोजित कार्यक्रममा सम्मान अर्पण गरिने जनाइएको छ। नदीपुरस्थित धर्मशीला बुद्धविहारकी संस्थापिका अनागरिका धर्मशीला गुरुमाको नाममा अनागरिका कर्मशीलाले पुरस्कारका लागि अक्षयकोष स्थापना गरेका थिए।

- एजेन्सी