गौरीशंकर खेल मैदान स्तरोन्नतिबारे अन्तर्क्रिया

हेमजा, १७ कात्तिक। पोखरा-२५, हेमजास्थित गौरीशंकर खेल मैदान स्तरोन्नति गर्ने विषयमा शनिवार अन्तक्रिर्या भएको छ। मैदान स्तरउन्नति लागि युवा तथा खेलकुद मन्त्रालय मार्फत प्रथम चरणमा ५० लाख रुपैयाँ अनुदान परेको छ।

मैदान स्तरोन्नति समितिको आयोजनामा भएको उक्त कार्यक्रममा वडाध्यक्ष शोभाकर तिम्सिना लगायत अन्य सरोकारवालाको सहभागिता थियो। सहभागीले न्यूनतम मापदण्ड पूरा गरी खेलमैदानको स्तउन्नति गर्न सुझाव दिए।

वडाअध्यक्ष तिम्सिनाले वडाको क्षेत्राधिकार भित्र रही मैदान स्तरउन्नतिमा आफूले सहयोग गर्ने प्रतिबद्घता व्यक्त गरे। सो अवसरमा तत्कालीन हेमजा गाविसका अध्यक्ष रामचन्द्र त्रिपाठी, हेमजा युनाईटेडका अध्यक्ष इन्द्रप्रसाद त्रिपाठी लगायतले सुझाव दिएका थिए। पहिलो चरणमा प्याराफिट निर्माण, मैदानको लेभलिङ, तारबार एवं पर्खाल निर्माण गरिने समितिले जनाएको छ।

स्तरोन्नति लागि ५ करोड ३८ लाख ९१ हजार सात सय १२ रुपैयाँको विस्तृत परियोजना प्रतिवेदन पनि समितिले तयार पारेको छ।

गत कात्तिक १० मा स्थानीय हेमजा युनाईटेडको पहलमा उक्त मैदान स्तरउन्नतिका लागि कृष्णबहादुर कुँवरको अध्यक्षतामा समिति गठन गरिएको थियो ।

समिति उपाध्यक्षमा मनोजकुमार श्रेष्ठ, सचिवमा विष्णुहरि पौडेल, कोषाध्यक्षमा इन्द्र कुँवर तथा सदस्यमा कृष्णमान श्रेष्ठ, अम्बरबहादुर कुँवर, दलबहादुर कुँवर, झलेन्द्रबहादुर कुँवर, लेखबहादुर कुँवर, रीता कार्की कुँवर र विष्णु बास्तोला छन्।

- अादर्श समाज सम्वाददाता