एम्नेस्टी अन्नपूर्ण समूह-५४ सवोर्त्कृष्ट

पोखरा, २४ असोज । एम्नेस्टी इन्टरनेशनल नेपाल, एम्नेष्टी अन्नपूर्ण समूह-५४, पोखरा सवोर्त्कृष्ट हुँदै सम्मानित भएको छ ।

एम्नेस्टी इन्टरनेशनल नेपालको चितवनको टाँडीमा सम्पन्न २७ औं राष्ट्रिय वाषिर्क साधारणसभा तथा अधिवेशन अवसरमा आर्थिक वर्ष २०७४/०७५ मा सदस्यता विस्तार तथा सबैभन्दा बढी मानवअधिकार अभियानसम्बन्धी गतिविधि गर्ने संस्थाको रुपमा नेपालमै उत्कृष्ट हुँदै सम्मानित भएको हो । नेपालमा हाल  एम्नेस्टी इन्टरनेशनल नेपालमा आवद्ध करिब ७० वटा समूह छन् । सवोर्त्कृष्ट हुँदा खुसी लागेको बताउँदै एम्नेस्टी अन्नपूर्ण समूह-५४ संयोजक अनन्दप्रसाद कोइरालाले नेशनलबोर्ड, मूल्यांकन समूह साथै एम्नेस्टी नेशनलवोर्ड सचिवालयमा कार्यरत कर्मचारी लगायत सबैमा धन्यवादसहित मानवअधिकारसम्बन्धी कार्य गर्न अझ बढी हौसला मिलेको बताएका छन्।

कार्यक्रम पूर्व प्रधानन्यायाधीश कल्याण श्रेष्ठको प्रमुख आतिथ्यमा भएको थियो ।

- अादर्श समाज सम्वाददाता