‘वीपीको समाजवाद विस्तार गर्नुपर्छ’

स्याङजा, २३ असोज । नेपाली काँगे्रसका महामन्त्री डा शशाङ्क कोइरालाले वीपीको समाजवादलाई विस्तार गर्नुपर्ने बताएका छन् ।

स्याङ्जाको चापाकोटमा मंगलबार आयोजित कार्यक्रममा उनले भने, मुलुकको विकास र समृद्धिका लागि वीपीको समाजवादलाई विस्तार गर्नुपर्ने आजको आवश्यकता हो ।”

महामन्त्री डा कोइरालाले पार्टीसभापति र प्रधानमन्त्रीको मोहभन्दा पनि आफूले समाज रुपान्तरणको कडी बन्न चाहेको उल्लेख गर्दै मुलुकलाई परिर्वतन गर्न समाज परिर्वतनको खाँचो रहेको बताए ।

काँग्रेसले जनताको माग र चाहनाअनुसार आफूलाई परिमार्जन गर्नुपर्नेमा जोड दिदैं उनले अहिलेको सरकारले जनचाहनाअनुसार काम गर्न नसकेकाले मुलुकमा अराजकता बढेको आरोप लगाए ।

महामन्त्री डा कोइरालाले काँग्रेस २००७ सालदेखि प्रजातन्त्रको लागि लड्दै आएको उल्लेख गर्दै पार्टीसंगठन निर्माणमा लाग्न कार्यकर्तालाई आग्रह गरे ।

- रासस