कालाबाङ घरेडी होमस्टे समुदायलाई

पोखरा, १२ भदौ । कास्कीको पुम्दीभुम्दीस्थित कालाबाङ घरेडी सामुदायिक होमस्टे स्थानीय समुदायलाई हस्तान्तरण गरिएको छ।

एशियन फोरमको सहयोगमा चार वर्षअघि शुरु गरिएको सो होम स्टे आगामी दिनमा व्यवस्थापनको जिम्मासहित स्थानीयलाई हस्तान्तरण गरिएको हो।

प्रदेशका पर्यटन मन्त्री विकास लम्सालले कालावाङमा आयोजित एक समारोहबीच होमस्टे समुदायमा हस्तान्तरण भएको घोषणा गरे । लम्सालले गण्डकी प्रदेश सरकार पर्यटन मन्त्रालयतर्फबाट कालावाङ घरेडी होमस्टेलाई पूर्वाधार निर्माणमा १० लाख सहयोगको घोषणा समेत गरे। गुरुङ, बाहुन र दलित समुदायले सञ्चालन गरेको समावेशी होमस्टे, स्थानीय उत्पादन पाइने अन्य स्थानको भन्दा फरक विशेषतासहितको होमस्टे भएको मन्त्रीले लम्सालको भनाइ थियो।

एशियन फोरम नेपालका अध्यक्ष नीरज थापाले पोखरा शहरदेखि १३ किमीमात्र टाढा रहेको कालावाङ घरेडी सबै हिसाबले उत्कृष्ट रहेको बताए। आफूले शुरु गरेको कामले सफलता प्राप्त गरेको भन्दै उनले खुशी व्यक्त गरे।

विभिन्न १८ घरधुरीमा सञ्चालित होमस्टे यस वर्ष ग्रामीण पर्यटन प्रबर्द्धन मञ्च (भिटोफ) द्वारा देशकै उत्कृष्ट होमस्टेबाट अवार्ड जितेको थियो।

यसैबीच, एशिया मानवअधिकार तथा सांस्कृतिक विकास मञ्च (एशियन फोरम) अध्यक्षमा किस्मतमणि श्रेष्ठ भए। मञ्चको प्रथम उपाध्यक्षमा श्रीकृष्ण अधिकारी, द्घतिीय उपाध्यक्ष मेनका पौडेल, महासचिव नीलाम्बर बडाल, कोषाध्यक्षमा मनबहादुर श्रेष्ठ (आशिक), सचिवमा विजय गुरुङ, सदस्यमा जुम गुरुङ, रमेश श्रेष्ठ, सन्तोष बोगटी, दमन्ता खड्का र कल्पना पौडेल छन्। कार्यक्रम नीरज थापाको अध्यक्षतामा सम्पन्न भएको हो।

- अादर्श समाज सम्वाददाता