छोरेपाटन विद्यालयमा रेग्मी

पोखरा, १२ भदौ। छोरेपाटन माध्यमिक विद्यालय व्यवस्थापन समिति अध्यक्षमा झपिन्द्रराज रेग्मी चयन भएका छन्।

समितिको हालै बसेको भेलाले रेग्मीको अध्यक्षतामा नयाँ कार्यसमिति चयन गरेको हो ।

पोखरा महानगरपालिका शिक्षा नियमावली, २०७४ अनुसार अभिभावकमध्येबाट १ जना महिला सहित ३ जना सदस्य चयन भएका छन्। सदस्यमा लोकमाया दर्जी, बाबुराम लामिछाने र कमलकान्त उपाध्याय छन्। विद्यालय निरीक्षक बसुन्धरा थापाको संयोजकत्वमा पोखरा १७ का वडाध्यक्ष तीर्थराज अधिकारी स्रोत व्यक्ति टोलप्रसाद अर्याल र प्रधानाध्यापक लक्ष्मण थापा सदस्य रहेको छनोट सहयोग समितिले सदस्य चयनमा मद्दत गरेका थिए।

वडाध्यक्ष तीर्थराज अधिकारी, वडा प्रतिनिधि पदेनसदस्य र प्रअ लक्ष्मण थापा सदस्यसचिव छन्।

विद्यालय निरीक्षक बसुन्धरा थापाको अध्यक्षतामा सम्पन्न भएको कार्यक्रममा सञ्चालन सहायक प्रअ डिल्लीराम शर्मा र शिक्षा ऐन नियमावलीसम्बन्धी जानकारी प्रअ लक्ष्मण थापाले दिए।

- अादर्श समाज सम्वाददाता