लायन्स क्लब सुनगाभाको रक्तदान

लेखनाथ, ७ भदौ। लायन्स क्लब अफ लेखनाथ सुनगाभाले विहीवार पोखरा वडा २७, अघौर्चोकमा खुला रक्तदान कार्यक्रम गरेको छ। कार्यक्रममा ४६ युनिट रगत संकलन भएको छ।

लायन्स क्लब इन्टरनेश्नल ३२५ वी १ नेपाल अन्तर्गत रिजन ४ र जोन ८ भित्र पर्ने सुनगाभाको वाषिर्क कार्यक्रमअन्तर्गत सो कार्यक्रम भएको हो।

कार्यक्रम उद्घाटन गर्दै गण्डकी मेडिकल कलेजका प्रमुख कार्यकारी अधिकृत सन्तोषकुमार खनालले रक्तदानका फाइदा र यसले मानव शरीरमा पार्ने सकारात्क प्रभावका बारेमा सबैजना जानकार हुनु पर्नेमा जोड दिएका थिए।

क्लब अध्यक्ष इन्दिरा रोक्काको अध्यक्षतामा भएको सो कार्यक्रममा डिस्टिक ३२५ वी १ नेपालका सचिव राम बस्याल, रिजन ४ का अध्यक्ष मधुसुधन कोइराला, जोन ८ का संयोजक सूर्यनारायण बराल, कमिटी चियरपर्सन मेजर रामप्रसाद गुरुङ र वडा २६ का वडाध्यक्ष नारायणप्रसाद बराल लगायतले लायन्स गतिविधिबारे चर्चा गरेका थिए। कार्यक्रम संयोजक गिमाया गुरुङले स्वागत मन्तव्य राखेको सो कार्यक्रमको संचालन प्रथम उपाध्यक्ष ऋतु पौडेलले गरेकी थिइन्।

- अादर्श समाज सम्वाददाता