औषधि संघको रक्तदान

पोखरा, २९ साउन । नेपाल औषधि तथा बिक्री प्रतिनिधि संघ पोखरा इकाइले पोखरामा आयोजना गरेको रक्तदान कार्यक्रममा ४६ युनिट रगत संकलन भएको छ ।

संघले ४९ औँ वाषिर्कोत्सव अवसरमा आयोजित कार्यक्रममा नेपाल मेडिकल एशोसियसन गण्डकी शाखाका अध्यक्ष डा निर्मल लामिछानेले पहिलो रक्तदाता संघका वरिष्ठ सदस्य कैलाश राइलाई ब्लडब्याग हस्तान्तरण गरी उद्घाटन गरेका थिए ।डा लामिछानेले रक्तदानले कसैको जीवन बचाउने हुँदा रक्तदान गर्न उपयुक्त व्यक्तिले रक्तदान गर्नुपर्नेमा जोड दिए ।

कार्यक्रममा औषधि बिक्री प्रवर्द्धक संगठनका गण्डकी प्रदेशका अध्यक्ष प्रमोद ढकाल, नेपाल औषधि तथा बिक्री प्रतिनिधि संघ पोखरा इकाइका पूर्व अध्यक्ष रवि ताम्राकार, अर्जुन मरासिनी लगायतले बोलेका थिए । संघ पोखरा इकाइ अध्यक्ष नीरज पन्तको अध्यक्षतामा भएको कार्यक्रममा स्वागत उपाध्यक्ष विक्रम केसी र सञ्चालन सचिव यादव सुवेदीले गरेका थिए ।

- एजेन्सी