लायन्स क्लब लेखनाथ सिमसारको बृक्षरोपण

लेखनाथ, १२ साउन । लायन्स क्लब अफ लेखनाथ सिमसार र लियो क्लब अफ लेखनाथले संयुक्त बृक्षारोपण गरेको छ । पोखरा लेखनाथ महानगरपालिका वडा नं. ३२ स्थित ब्रहृमरुपा माविको परिसरमा आँप, कटहर, लिची, कपुर र तेजपत्ताका विभिन्न जातका करिब ७५ वटा विरुवा रोपेको हो।

स्वास्थ्य, शिक्षा र पर्यावरण जोगाउने उद्देश्यले बृक्षारोपण गरिएको बृक्षारोपणकी संयोजक एवं सीसीपी लायन सावित्री अर्यालले बताइन्।

लायन्स क्लब ३२५ बी १ नेपालका पीएमसीसी लायन दिपक श्रेष्ठले बृक्षारोपण कार्यक्रमको सुभारम्भ गर्दै बढ्दो वातावरण प्रदूषण नियन्त्रण र स्वास्थ्य जीवनयापनका लागि क्षारोपणले महत्वपूर्ण भूमिका खेल्ने बताए । रोपिएका विरुवालाई उचित संरक्षण र संभार गर्नुपर्ने सुझाव राखेका थिए ।

सोही अवसरमा सिनियर एओजी लायन विशेश्वर आचार्य, बृक्षारोपणकी संयोजक सीसीपी लायन सावित्री अर्याल, ब्रहृमरुपा मावि विद्यालय व्यवस्थापन समितिका अध्यक्ष उत्तम वस्नेत, लायन्स क्लब अफ लेखनाथ सिमसारकी जोन चेयरपर्सन बसुधा भट्टराई, लायन कृष्ण धिताललगायतले बोलेका थिए।

लायन्स क्लब अफ लेखनाथ सिमसारकी अध्यक्ष मेनका श्रेष्ठको अध्यक्षतामा भएको सो कार्यक्रमको संचालन लायन कल्पना गुरुङले गरेकी थिइन् भने धन्यवाद ज्ञापन लायन गिता वरालले गरेकी थिइन्।

- अादर्श समाज सम्वाददाता