कमलपोखरीद्वारा बहुउद्देश्यीय भवन निर्माण

पोखरा, ३० असार। पोखरा महानगरपालिका वडा १३ स्थित कमलपोखरी मार्ग टोल विकास संस्थाले ९२ लाख ३ हजार रुपैयाँ लागतमा बहुउद्देश्यीय भवन निर्माण गरेको छ।

टोलका गतिविधि संचालनमा सहजता ल्याउन भवन निर्माण गरिएको सो भवन शनिबार आयोजित समारोहमा पोखरा महानगरपालिकाका मेयर मानबहादुर जिसीले उद्घाटन गरे।

जिसीले २ वर्षभित्र कमलपोखरीलाई पर्यटकीय गन्तव्य बनाउने उल्लेख गरे। उनले मेहनतका साथ भवन निर्माण गर्न सकेकोमा गर्व गर्नुपर्ने बताए ।

वडाध्यक्ष दर्शन लामाले सबैको सहयोग लिएर नमूना वडा बनाउने बताए।

कार्यक्रममा वडासदस्य कृष्णकुमारी गुरुङ, कोन सामुदायिक बचत तथा ऋण सहकारी संस्था लिमिटेडका अध्यक्ष शरदकान्त सिग्देल, आदर्श समाज दैनिकका कार्यकारी सम्पादक नवीन सिग्देल, कमलपोखरी आमा समूहकी अध्यक्ष पूर्णकुमारी गुरुङ, नवदुर्गा टोल विकास संस्थाका अध्यक्ष चित्रबहादुर विक, बाँझापाटन टोल विकास संस्थाका अध्यक्ष कृष्णबहादुर गुरुङ, संस्थाका कोषाध्यक्ष प्रेमबहादुर गुरुङले बोलेका थिए।

त्यस अवसरमा भवन निर्माणका लागि आर्थिक सहयोग गर्ने चन्दादाताहरुलाई सम्मान गरिएको थियो।

संस्थाका अध्यक्ष इन्द्रबहादुर गुरुङको अध्यक्षतामा भएको कार्यक्रममा युवा परिवारका सचिव पुनम गुरुङले स्वागत र सचिव खड्कबहादुर गुरुङले संचालन गरेका थिए।

- अादर्श समाज सम्वाददाता