शिवशक्तिमार्ग जनपथ पिच बाटो शुभारम्भ

पोखरा, ३० असार । पोखरा लेखनाथ महानगरपालिका वडा नं. ११ शिवशक्तिमार्गमा नवनिर्मित जनपथ पिचबाटो शनिबारदेखि शुभारम्भ भएको छ।

बाटो उद्घाटन गर्दै पोखरा लेखनाथ महानगरपालिका मेयर मानबहादुर जिसीले बाटो बनाउनु मात्र ठूलो काम नभई त्यसलाई संरक्षण र सरसफाइ गर्नु आवश्यक रहेको बताउँदै पुरानो रुख विस्थापित भएपनि नयाँ विरुवा रोपेर वातारण हरियाली बनाउन आग्रह गरे।

पोखरा लेखनाथ महानगरपालिकाको १९ लाख ४२ हजार एक सय ५३ रुपैया र स्थानीयको १० लाख ५७ हजार आठ सय ४७ गरी कुल ३० लाख रुपैयाँको लागतमा निर्माण भएको बाटोको लम्वाई चार सय ३९  मिटर छ।

त्यस्तै पोखरा लेखनाथ ११ का वडाध्यक्ष मोहनप्रसाद बास्तोला र १२ का वडाध्यक्ष रामजी कार्कीले आम वडावासीको सेवाको लागि सानो ठूलो काम नभनी हातमा हात मिलाएर अघि बढ्नुपर्नेे धारणा राखे।

समितिका अध्यक्ष अम्वरबहादुर क्षेत्रीले सबैको सहयोगले पिचबाटो सम्पन्न भएकोमा धन्यवाद दिँदै उपस्थित सबैलाई आभार व्यक्त गरे।

कार्यक्रममा मगर संघका अध्यक्ष चन्द्रप्रकाश थापाले शुभकामना मन्तव्य व्यक्त गरे।

समितिका अध्यक्ष अम्वरबहादुर क्षेत्रीको अध्यक्षताका भएको कार्यक्रमका उपाध्यक्ष एकप्रसाद गुरुङले स्वागत, कोषाध्यक्ष द्रौपति श्रेष्ठले कोषाध्यक्षको प्रतिवेदन प्रस्तुत र सचिव चिन्तामणि खरेलले कार्यक्रम सञ्चालन गरेका थिए।

- अादर्श समाज सम्वाददाता