सत्यमोहनलाई धर्मराज-सावित्री लोकसाहित्य पुरस्कार

पोखरा, २५ असार । संस्कृतिविद् सत्यमोहन जोशीलाई धर्मराज-सावित्री थापा लोकसाहित्य संस्कृति पुरस्कार-२०७४ प्रदान गरिने भएको छ ।

जनकविकेशरी धर्मराज-सावित्री थापा प्रतिष्ठानका अध्यक्ष मदनराज थापा र प्रतिभा छनोट सदस्यहरुको सिफारिस आधारमा यो पुरस्कार जोशीलाई प्रदान गरिने भएको हो । पुरस्कार राशि ५० हजार रुपैयाँ नगद सहित सम्मापत्र रहेको छ ।

नेपाली लोकसाहित्य र संस्कृतिको  श्रीवृद्धिमा सात  दशकदेखि  यस विधामा  निरन्तर  समर्पित भै विभिन्न  माध्यमबाट राष्ट्रिय र अन्तर्राष्ट्रिय क्षेत्रमा विशेष योगदान गरेवापत संस्कृतिविद् जोशीलाई सो पुरस्कार प्रदान गरिने भएको प्रतिष्ठानद्वारा सोमबार जारी विज्ञप्तिमा उल्लेख छ ।

उपराष्ट्रपति नन्दबहादुर पुनको प्रमुख आतिथ्यमा उपराष्ट्रपति कार्यालयमा साउन १ गते सो पुरस्कार अर्पण गरिने प्रतिष्ठानले जनाएको छ ।

- अादर्श समाज सम्वाददाता