सहारा एकेडेमीलाई परिवारकै सहयोग

पोखरा, ४ असार। सहारा क्लब पोखराद्वारा सञ्चालित सहारा एकेडेमीलाई क्लबका संस्थापक कोषाध्यक्ष रामचन्द्र गुरुङ तथा उनका परिवारले आर्थिक सहयोग गरेका छन्।

रामचन्द्रसहित धर्मपत्नी उमादेवीले संयुक्त १ लाख १ सय ५ रुपैयाँ र छोरी उरुप्साले ५० हजार प्रदान गरेका हुन्। यस्तै, रंगशाला आमा समूह अध्यक्ष समाजसेवी चन्द्रावती गुरुङले समेत १ लाख १ सय ५ रुपैयाँ प्रदान गरिन्। सहयोगदाता रामचन्द्र गुरुङका परिवार र चन्द्रवती गुरुङले सहयोग रकम सहारा क्लबका अध्यक्ष केशवबहादुर थापालाई हस्तान्तरण गरेका हुन् ।

एकेडेमी गतिविधिबारे जानकारी दिँदै एकेडेमीका संयोजक एवं क्लबका पूर्व अध्यक्ष विक्रम थकालीले एकेडेमी सञ्चालन गर्न मासिक २ लाख खर्च लाग्ने बताए।

सो अवसरमा सहयोगी गुरुङ परिवारद्वयलाई क्लब सल्लाहकार परिषद् सभापति वीरभद्र आचार्यले हार्दिक धन्यवाद दिए । सहारा एकेडेमीमा हाल १६ जिल्लाका २८ जना बालक आश्रति छन् ।

- अादर्श समाज सम्वाददाता