ट्राफिक प्रहरीलाई क्लोज सर्किट क्यामरा

पोखरा,  २ जेठ। सुजुकीका चारपाङ्ग्रे सवारीसाधनको आधिकारिक बिक्रेता तथा सीजी होल्डिङ्सको अटोमोटिभ विभाग सीजी मोटोकोर्पले ट्राफिक प्रहरी ललितपुरलाई क्लोज सर्किट क्यामरा हस्तान्तरण गरेको छ।

सामाजिक उत्तरदायित्व अभियानअन्तर्गत प्रदान गरिएको सो क्यामरा ललितपुर ट्राफिक प्रहरीको मोबाइल सवारी साधनमा जडान गरिने जनाइएको छ।

१ सय ८० ड्रि्री कभरेज भएको सो क्यामराले ट्राफिक व्यवस्थापनमा मद्दत पुर्‍याउने छ। ललितपुर ट्राफिक शाखाका निरीक्षक सीताराम हाछेथुको उपस्थितिमा क्यामरा हस्तान्तरण गरिएको थियो।

कार्यकारी निर्देशक करण चौधरीले भने, ‘देशको अटोमोटिभ क्षेत्रमा हामी अग्रणी छौँ र सडक सुरक्षामा हाम्रो पनि जिम्मेवारी रहेको छ। यहाँका सडकमा ट्राफिक व्यवस्थापनका लागि हाम्रा ट्राफिक प्रहरीहरुले जिम्मेवारीपूर्व गरेको कार्य प्रशंसनीय छन्।’

उनले सडक सुरक्षित बनाउने उपाय अपनाउने उद्देश्यसहित गरिएको क्यामराको हस्तान्तरण ट्राफिक प्रहरीसँगको समन्वयमा गरिने विभिन्न कार्यमध्येको एक रहेको बताए ।

- एजेन्सी