जूनतारा आमा समूहको उद्घोषणकला

पोखरा, २० चैत । पोखरा लेखनाथ महानगरपालिका वडा १७ बिरौटास्थित जूनतारा आमा समूहले १५ दिने उद्घोषणकला तालिम गरेको छ ।

महिला सशक्तिकरणका लागि आयोजित तालिममा समूहका २१ जना महिला सहभागी थिए । तालिममा देवराज शर्माले सहजीकरण गरेका थिए । तालिम समापनमा प्रमुख अतिथि वडाध्यक्ष तीर्थराज अधिकारीले वाकशैली आफैमा सृजनशील कला भएकोले यसलाई व्यवहारिक बनाउँदै लैजान सके हरेक व्यक्तिको व्यक्तित्व विकासमा कोशेढुङगा सावित हुने बताए ।

त्यस अवसरमा पोखरा लेखनाथ महानगरपालिका कार्यपालिका सदस्य राधिका शाही योगी, सामाजिक शाखा प्रमुख ओमराज पौडेल, प्रगतिटोल सुधार समितिका अध्यक्ष उमाकान्त पौडेल, सहभागीको तर्फबाट सिमा रेग्मी र शोभा भट्टराईले बोलेका थिए ।

समूहकी अध्यक्ष गंगा केसीको अध्यक्षतामा भएको कार्यक्रममा उपाध्यक्ष जीवनकुमारी सिलवालले धन्यवाद ज्ञापन र सरु आचार्यले कार्यक्रम सञ्चालन गरेकी थिइन् ।

- अादर्श समाज सम्वाददाता