स्वतन्त्रको स्थापना दिवसमा अन्तर्किया

पोखरा, २४ फागुन। स्वतन्त्र पत्रकार संघ कास्कीले सातौं स्थापना दिवसको अवसर पारेर अन्तक्रिर्या कार्यक्रम गरेको छ।

कार्यक्रममा संघका केन्द्रीय सल्लाहकार नारायण कार्कीले स्वतन्त्र पत्रकारितामा पेशागत मानमर्यादाको संरक्षण हुने बताए।

कार्कीले हिजो राजनीतिक आवरणमा हुर्केका पत्रकारको नजरमा स्वतन्त्रको हैसियत नदेख्नेको विचारमा आज आमूल परिवर्तन आएका कारण स्वतन्त्र पत्रकारप्रति सबैको चासो बढ्दै गएको धारणा व्यक्त गरे।

कार्यक्रममा संघका केन्द्रीय अध्यक्ष कृष्णप्रसाद बास्तोला, उपाध्यक्ष शान्ति राणा, दीननाथ बराल लगायतले बोलेका थिए।

वक्ताले स्वतन्त्र पत्रकार संघका कार्यक्रमले पृथक पहिचान बनाइसकेकाले स्वतन्त्र पत्रकारिता गर्दा छुट्टै सुखानुभूति हुने बताए।

संघका अध्यक्ष कृष्ण थापाको अध्यक्षतामा सम्पन्न कार्यक्रममा उपाध्यक्ष कृष्ण रानाभाटले स्वागत र सचिव असफल गौतमले सञ्चालन गरेका थिए।

२०६८ फागुन २४ गते स्थापना भएको संघले १३ जिल्लामा शाखा बिस्तार गरेको छ।

- अादर्श समाज सम्वाददाता