राष्ट्रिय प्रजातान्त्रिक महिलाको शुभकामना आदानप्रदान

पोखरा, २४ फागुन। १०८ औं नारी दिवसको उपलक्ष्यमा राष्ट्रिय प्रजातन्त्र पार्टीको भातृ संगठन राष्ट्रिय प्रजातान्त्रिक महिला संगठन कास्कीले शुभकामना आदानप्रदान गरेको छ।

प्रमुख अतिथि राष्ट्रिय प्रजातन्त्र पार्टीका केन्द्रीय आमन्त्रित सदस्य शिवप्रसाद चालिसेले महिलालाई उचित स्थान दिनुपर्छ भन्ने एकमात्र पार्टीराप्रपा भएको बताउँदै विचलित नभइकन अगाडि बढ्न आग्रह गरे। उनले महिला शक्ति एक भई संगठनप्रति दत्तचित्त भई लाग्न समेत आग्रह गरे। कार्यक्रममा कास्कीका अध्यक्ष जयलाल पुन, जिल्ला उपाध्यक्ष जगत सुवेदी, मिडिया नेपालका केन्द्रीय उपाध्यक्ष सूर्य बास्तोला, महिला नेतृ कुन्तीकुमारी गुरुङ, सीता जिसी, जिल्ला कोषाध्यक्ष रञ्जना सेन पौडेल लगायतले नारी दिवसको उपलक्ष्यमा शुभकामना मन्तव्य व्यक्त गरेका थिए। राष्ट्रिय प्रजातान्त्रिक महिला संगठनकी अध्यक्ष कृष्णकुमारी सुवेदीको अध्यक्षतामा सम्पन्न कार्यक्रमको सञ्चालन सचिव विष्णु खड्का कार्कीले गरेका थिए।

- अादर्श समाज सम्वाददाता