उपल्लो र तल्लो संसदको पहिलो बैठक

काठमाडौ २१ फागुन । प्रतिनिधिसभाको अन्तरिम कार्यविधि-२०७४ पारित भएको छ । प्रतिनिधिसभाको सोमबार संसद भवन नयाँ बानेश्वरमा बसेको पहिलो बैठकले अन्तरिम कार्यविधि पारित गरेको हो।

बैठकले प्रतिनिधिसभाको अन्तरिम कार्यविधि-२०७४ बमोजिम सभामुख तथा उपसभामुखको अनुपस्थितिमा बैठकको अध्यक्षता गर्ने सांसदको नाम मनोनयन गरेको छ। खगराज अधिकारी, मनबहादुर विश्वकर्मा, लक्ष्मणलाल कर्णर उमाशंकर अरगरियालाई मनोनित गरिएको छ। राष्ट्रियसभाको अन्तरिम कार्यविधि-२०७४ पनि सोमबार पारित भएको छ।

बैठकले राष्ट्रियसभाको अन्तरिम कार्यविधि-२०७४ अनुसार अध्यक्ष तथा उपाध्यक्षको अनुपस्थितिमा अध्यक्षता गर्न पर्शुराम नेघी गुरुङ, राधेश्याम अधिकारी र कालिबहादुर मल्ललाई मनोनयन गरेको छ।

दुवै सभाको बैठकमा राष्ट्रपति कार्यालयबाट प्राप्त पत्र पढेर सुनाइएको थियो। दुवै सभाको बैठक मंगलबार विहान ११ बजेका लागि बोलाइएको छ।

- अादर्श समाज सम्वाददाता