युवा समूहद्वारा उद्योग संचालन

पोखरा, २ मंसिर। वैदेशिक रोजगारबाट र्फकेका चार जना युवाको समूहले गार्मेन्ट उद्योग संचालन गरेका छन्।

पोखरा लेखनाथ महानगरपालिका वडा नं ५ पस्र्याङका केशव शर्मा सापकोटा, उदयपुर बसाही नगरपालिका वडा नं ८ का राजकुमार मगर, काठमाडौ महानगरपालिका वडा नं १३ का निराजन कार्की र चितवन भरतपुरका राजु ज्ञवालीले उद्योग संचालन गरेका हुन्।

उनीहरुले चन्द्रगिरी नगरपालिका वडा नं ६ थानकोटमा लुक गुड निटवेयर नामक गार्मेन्ट उद्योग संचालनमा ल्याएका छन्। विभिन्न स्थानमा ती युवाको भेट साउदी अरवमा भएको थियो। सवैजसोले झण्डै १० वर्ष साउदी अरबको ल्याण्डमार्क गु्रुप-म्याक्स फेशन)मा काम गर्ने क्रममा भेट भएको हो।

‘साउदी अरबमा भएको भेटको यात्रा उद्योगसम्म आइपुगेका छ’-उनीहरुले भने-‘स्वेदशमै केहि गर्नुपर्छ भनेर र्फकेका हौ।’  उनीहरुले मासिक एकदेखि डेढलाखसम्म आम्दानी गर्दथे। एक वटा विक्री कक्ष सहित उद्योग संचालनका लागि झण्डै ७० लाख लगानी भैसकेको छ।

काठमाडौमा दुर्इ र चितवन, हेटौडा, इटहरि र पोखरामा एक/एक विक्री कक्ष संचालनगर्दामा उद्योगको लगानी डेढ करोड पुग्ने अनुमान छ। उद्योगबाट १० जनाले रोजगारी समेत पाएका छन्। उद्योगका लागि आवश्यक कच्चा पदार्थ केहि नेपालकै  र केहि चाइना, इन्डिया र कोरियाको प्रयोग गरिने बताइएको छ।

उद्योगबाट टिसर्ट, जकेट, पेण्ट र सर्ट लगायतका लत्ताकपडा उत्पादन हुन शुरु गरिसकेको छ। उत्पादित लत्ताकपडा विक्री गर्नका लागि पहिलो पटक पोखराको लेकसाइडमा विक्री कक्ष राखिएको छ। आइतबार सो विक्री कक्षको उद्घाटन गरिदैछ।

‘लगानीकर्ता केशवराज शर्माले मेहनत गरेर मुलुकमा नै कमाउन सकिने बताए। सकभर विदेश नजानुस्’-उनले भने-‘जानै परे सिप र अनुभव लिएर मुलकमै र्फकनुस।’

उद्योग संचालनमा जुटेका युवाहरुले जस्तोसुकै संर्घष्ा गरेर पनि उद्योग सफल बनाउने अठोट व्यक्त गरे। ‘अब जे गर्छ मुलुकभित्रै गर्छु-अर्का लगानीकर्ता निराजन कार्कीले भने- ‘अमेरिकाको भिसा आएपनि जान्न।’

- अादर्श समाज सम्वाददाता