पहिलोपटक मस्तिष्क मृत्यु भएकाको अंग प्रत्यारोपण

काठमाडौँ, ३१ वैशाख। नेपालमा चिकित्साविज्ञानको क्षेत्रमा पहिलो पटक मस्तिष्क मृत्यु भएका व्यक्तिको अंग झिकी अर्को व्यक्तिमा प्रत्यारोपण गरिएको छ।

भक्तपुरस्थित मानव अंग प्रत्यारोपण केन्द्रले गत बिहीबार जिप दुर्घटनामा परी मस्तिष्क मृत्यु भएका सिन्धुलीका ३० वर्षीय गोविन्द भुजेलका दुर्इ मिगौर्ला दुर्इ व्यक्तिमा प्रत्यारोपण गरिएको केन्द्रले जनाएको छ।

केन्द्रले दिएको जानकारी अनुसार मिगौर्ला प्रत्यारोपणका लागि पालो कुरिरहेका बिरामीमध्येबाट भुजेलका मिगौर्ला सुनसरीका ५१ वर्षीय गोविन्द तिमिल्सिना र लाजिम्पाट काठमाडौँका १५ वर्षीय मिलन श्रेष्ठमा गत बिहीबार नै सफल प्रत्यारोपण गरिएको हो।

केन्द्रका कार्यकारी निर्देशक पुकारचन्द्र श्रेष्ठले यो नेपालका लागि महत्वपूर्ण उपलब्धि भएको बताए। उनले भने, “विदेशी मुलुकमा ८० प्रतिशत प्रत्यारोपण मस्तिष्क मृत्यु भएका व्यक्तिबाट हुनेर्गर्छ। हाम्रो देश पनि धेरै दुर्घटना हुने देशमा पर्छ, हामीले मस्तिष्क मृत्यु भएका यस्ता व्यक्तिबाट अंग झिकी अरु आवश्यक भएका व्यक्तिमा प्रत्यारोपण गर्नसकेमा धेरै व्यक्ति अंग नपाएर मर्नुपर्ने अवस्थामा कमी आउँछ।”

नेपालमा मस्तिष्क मृत्यु भएकाको अंग प्रत्यरोपणबारे जनचेतनाको कमी भएकाले सबैलाई सम्झाउन समस्या छ। यो संवेदनशील र जटिल विषय पनि भएकाले सरकार, गैरसरकारी संस्था, नागरिक समाजले सकारात्मक भूमिका खेल्नुपर्ने उहाँको भनाइ छ।

सरकारले गत वर्ष मानवअंग प्रत्यारोपण नियमावली-२०७३ जारी गरी मस्तिष्क मृत्यु -बे्रन डेथ) भएका व्यक्तिको अंग झिकी अकोर्मा प्रत्यारोपण गर्ने सहज बाटो खोलेको थियो।

यो नियमावलीले अब मस्तिष्कघात भई मृत्यु भएकाका आठ अंग लिन र प्रत्यारोपण गर्न मिल्ने बाटो खुला गरेको छ। मस्तिष्क मृत्यु भएकाबाट दुर्इ मिगौर्ला, दुर्इ फोक्सो, प्याङक्रियाज, सानो आन्द्रा र दुर्इ आँखाका नानी अर्को व्यक्तिमा प्रत्यारोपण गर्न मिल्छ।

प्रत्यारोपण गरिएका बिरामीको स्वास्थ्य अवस्था सामान्य भएको र केही दिनमा उनीहरूलाई डिस्चार्ज गरिने केन्द्रले जनाएको छ। सरकारले कुनै अस्पतालमा बिरामीको मस्तिष्क मृत्यु भएमा मानव अंग प्रत्यारोपण केन्द्रको स्थापना भएको केन्द्रिय समन्वय एकाइमा सम्पर्क गर्नसक्ने व्यवस्था गरेको छ। त्यसपछिको सबै प्रक्रिया सोही एकाइमार्फत हुनेछ।

कार्यकारी निर्देशक श्रेष्ठले मृतक भुजेलका परिवारलाई सुरुमा राजी बनाउन केही समस्या भएपनि पछि उनीहरूले खुसीसाथ सहमति दिएको अनुभव सुनाए।

- रासस